Reglur > Keppnisgreinarreglur fyrir hermikappakstur 2026

Útgáfudagur 14.11.2025

Víð framsetning Þröng framsetning


GREIN 1	ALMENNT
GREIN 1.1	GILDISSVIÐ
1.1.1	Reglur þessar gilda fyrir allar keppnir í hermikappakstri.
1.1.1.a	Keppnishaldara er heimilt að víkja frá keppnisfyrirkomulagi og flokkareglum í keppnum öðrum en Íslandsmeistarakeppnum.
1.1.2	Keppnir eru haldnar samkvæmt Reglubók FIA (e. International Sporting Code (ISC)), þessum keppnisgreinareglum og sérreglum hverrar keppni.
1.1.3	Gæti misræmis á þessum keppnisgreinarreglum og Reglubók FIA þá gilda reglur FIA.
GREIN 2	SKRÁNING
GREIN 2.1	KEPPENDUR OG ÖKUMENN
2.1.1	Keppendur skrá sig einu sinni í allar keppnir íslandsmóts á hverju keppnistímabili.
2.1.2	Skráður ökumaður skal sjálfur aka ökutæki sínu í keppni.
2.1.3	Fyrstu 30 keppendur til að skrá sig og greiða á síðu AKÍS fá þátttökurétt.
2.1.4	Sá má keppa sem verður að minnsta kosti 12 ára á árinu sem keppnin er haldin.
GREIN 3	KEPPNISFYRIRKOMULAG
GREIN 3.1	ALMENNT
3.1.1	Ræst er úr kyrrstöðu með stillingum iRacing.
3.1.2	Komi upp sú staða að iRacing þjónn krefjist ræsingar á ferð skal það gilda.
3.1.2.a	Þegar ræst er á ferð er ökumanni ætlað að aka upphitunarhring á eftir öryggisbíl að ráslínu í réttri röð og ekki hraðar en ökutækið fyrir framan. Öryggisbíll mun aka í pitt að loknum upphitunarhring og ræsing fer fram þegar fremsta ökutæki fer yfir ráslínu.
3.1.2.b	Sé þörf á að tala við ökumenn gerir keppnisstjóri það í gegnum hljóðrásir iRacing ef tæknilegar ástæður innan iRacing forritsins krefjast ekki endurræsingar.
3.1.3	Skylt er að virkja hljóðrásir í iRacing svo stjórnendur geti gefið fyrirmæli ef þörf er á.
3.1.4	Um hegðun ökumanna í brautarakstri gildir kafli IV viðauka L í Reglubók FIA um aksturshegðun á brautum.
3.1.4.a	Ökumaður sem ver stöðu sína á beinum kafla eða fyrir bremsusvæði má nota alla brautarbreiddina við fyrstu stefnubreytingu að því gefnu að marktækur hluti þess ökutækis sem reynir að komast framúr honum sé ekki við hlið hans. Á meðan ökumaður verst með þessum hætti má hann ekki yfirgefa brautina án réttlætanlegrar ástæðu.
3.1.4.b	Til að taka af allan vafa, nemi framhjól ökutækis sem reynir að komast framúr við afturhjól fremra ökutækisins telst það vera marktækur hluti.
3.1.4.c	Ökumaður sem ver stöðu sína í beygju má halda aksturslínunni sé hann meira en hálfa bíllengd, í miðri beygju, fyrir framan þann sem reynir framúrakstur.
3.1.5	Ætli ökumenn sér að nota EXIT VEHICLE möguleikan í æfingu eða tímatöku, verða þeir að gera það utan brautar eða augljósrar aksturslínu.
3.1.6	Æfing á ræsingu eða önnur svipuð aksturshegðun er einungis leyfð á meðan æfingu stendur, og má aðeins framkvæma á lengsta beina kafla og úr aksturslínu.
3.1.7	Í lok hverrar aksturslotu ber ökumönnum að forðast árekstra og aka inn í pitt.
3.1.7.a	Fagnaðar spól er leyfilegt en velja skal stað sem er ekki á miðri braut eða gæti valdið árekstri.
3.1.8	Verði meiriháttar árekstur við upphaf eða miðbik keppni hefur keppnisstjóri möguleika á að kalla út öryggisbíl til að hægja niður keppni þar til ökumenn sem atvik hafði áhrif á hafa látið laga skemmdir ökutækjanna og eru komnir aftast í röðina.
3.1.9	Ökumenn sem aka úr pitti eftir viðgerðir þegar öryggisbíll er í braut fara aftast í röðina á eftir öryggisbílnum, í þeirri röð sem þeir koma úr pittinum.
3.1.9.a	Keppnisstjóri hefur heimild undir þessum kringumstæðum til að nota svokallaða “WAVEBY” reglu til þess að gera öllum hringuðum ökumönnum kleift að af-hringa sig og ná stöðu sinni aftast í röð.
3.1.9.b	Ökumönnum ber að fylgjast vel með skipunum sem iRacing gefur á meðan öryggisbíll er í braut.
GREIN 3.2	KEPPNISUMHVERFI
3.2.1	Keppt er í iRacing ökuherminum.
3.2.2	Keppendur þurfa að vera í áskrift hjá iRacing og eiga þær brautir og ökutæki sem notuð eru í mótaröðinni.
3.2.3	Keppendur hafa kost á að keppa með eigin búnaði, láns eða leigubúnaði, allt eftir því hvað hentar hverjum og einum.
3.2.3.a	Keppendum er heimilt að vera staðsettir hvar sem þeim hentar.
3.2.3.b	Keppendur skulu nota stýri sem stjórntæki eða álíka búnað, ekki er heimilt að nota stýripinna.
3.2.4	Keppendur skulu nota iRacing aðgang með því nafni sem þeir eru skráðir undir til keppni.
3.2.5	Keppendur skulu vera skráðir í GT Akademíu deildina/League(Deild #4302) í iRacing þar sem hún er notuð til að halda utan um Íslandsmótið innan iRacing ökuhermisins.
3.2.6	Aðstoðar tækni ekki leyfð. Td, ökulínur, sjálfvirk kúpling, sjálfvirk gírskipting.
3.2.6.a	“Anti-stall” og “Autostart” er leyft svo ökumaður þarf ekki að ræsa ökutæki sítt sjálfur.
3.2.7	Skemmdir á ökutækjum eru hafðar á raunverulegustu stillingu.
3.2.8	Ætli ökumenn að virkja hraðatakmarkara (e. pit limiter) þurfa þeir að gera það sjálfir áður en ekið er inn í pitt.
GREIN 3.3	TÆKNILEGT UMHVERFI
3.3.1	iRacing forritið mun að mestu leyti sjá um tæknilega keppnisstjórn og refsar fyrir útafakstur, þjófstart, árekstra og fleira. Þetta munu teljast gildir staðreyndadómar.
3.3.2	Komi upp sú staða í keppni að allir ökumenn missi samband við netþjón iRacing er keppnistjóra heimilt að ljúka keppni ef 67% keppninnar hefur þegar verið ekin. Að öðrum kosti skal endurræsa keppnina með 15 mínútna keppnistíma eftir á klukkunni.
GREIN 3.4	REFSINGAR
3.4.1	Atvikastig/Incident points (sem iRacing forritið dæmir á ökumenn):
3.4.1.a	Létt snerting við annað ökutæki (e. Light contact with another driver) x 0
3.4.1.b	Dekk útaf braut (e. Wheels off the racing surface) x1
3.4.1.c	Missa stjórn (e. Loss of control) x2
3.4.1.d	Snerting við hluti í braut (e. Contact with other object) x2
3.4.1.e	Mikil snerting við annað ökutæki (e. Heavy contact with another driver) x4
3.4.2	Þegar ökumaður hefur fengið 15 atvikastig eða fleiri ber honum að stoppa í pitti.
3.4.2.a	Fyrir hver auka 7 stig eftir það er annað stopp í pitti.
3.4.3	Fyrir of hraðan akstur ökutækis inn í pitt eða pittakrein má vísa ökumanni úr keppni
3.4.4	Ströngustu reglur og viðurlög leiksins gilda í keppni og er refsingum beitt innan leiksins gerist ökumaður brotlegur (styttir sér leið, ekur utan vegar, ekur of hratt inn í pitt og svo framvegis).
GREIN 3.5	ÆFING/UPPHITUN
3.5.1	Skráðir keppendur skulu skrá sig inn á keppnisþjón (server) á keppnisdegi í gegnum iRacing forritið áður en iRacing æfingarlotu (practice) lýkur svo þeir geti fengið aðgang að tímatökum. Ekki þarf að opna leikinn sjálfan, en að lágmarki þarf að ýta á “register” takkann áður en æfingalotu lýkur.
3.5.1.a	Keppnisþjón er að finna í GT Akademíu Deildinni í iRacingUI.
3.5.2.b	Liðsstjóri eða aðstoðarmaður ökumanns skal skrá sig inn með “Watch” takkanum.
3.5.2.c	Aðeins einn aðstoðarmaður eða liðstjóri má tengjast keppnisþjóni.
3.5.3	Keppendafundur verður haldinn þegar 20 mínútur eru eftir af þessari æfingu/upphitun.
3.5.3.a	Ökumönnum er óheimilt að aka á brautinni á meðan keppendafundi stendur.
GREIN 3.6	TÍMATAKA
3.6.1	Að loknum keppendafundi klárast æfing á keppnisþjóni og þá hefst Tímataka.
3.6.2	Tímataka er opin í 15 mínútur og eru allir ökumenn saman á brautinni meðan á henni stendur.
3.6.3	Ökumaður sem er á úthring verður að víkja fyrir umferð.
3.6.3.a	Óheimilt er að tefja fyrir ökutæki á hröðum hring og ber ökumanni að víkja úr aksturslínu til að hleypa ökutæki á hraðari hring fram úr.
3.6.3.a.i	"Ökutæki á hröðum hring" er ökutæki sem ekur hraðar en næsta fyrir framan þrátt fyrir að fremra ökutækið sé á tímatökuhring.
3.6.3.b	Ef hraðara ökutæki nær öðrum ökutæki þarf hægara ökutækið að víkja.
3.6.3.c	Ökumaður skal hafa nægt pláss fyrir framan og aftan ökutæki sitt.
GREIN 3.7	KEPPNI
3.7.1	Að lokinni tímatöku hefst keppnislota.
3.7.1.a	Raðað er upp í rásröð eftir niðurstöðum tímatöku, í réttri röð.
3.7.2	Keppnislota er um 60 mínútur eða 180 km.
GREIN 4	STIG TIL ÍSLANDSMEISTARA
4.1	Stig til Íslandsmeistara eru gefin fyrir sæti í lokaúrslitum samkvæmt eftirfarandi töflu: sæti : 35 stig sæti : 28 stig sæti : 25 stig sæti : 22 stig sæti : 20 stig sæti : 18 stig sæti : 16 stig sæti : 14 stig sæti : 12 stig sæti : 11 stig sæti : 10 stig sæti : 9 stig sæti : 8 stig sæti : 7 stig sæti : 6 stig sæti : 5 stig sæti : 4 stig sæti : 3 stig sæti : 2 stig sæti : 1 stig
4.2	Að auki fær ökumaður sem er með fæst atvikastig og ók 100% keppninnar eitt auka stig.
4.2.1	Eigi þetta við um fleiri en einn ökumann fá þeir allir eitt stig.
4.3	Sá ökumaður sem hlýtur flest stig samanlagt í keppnisflokki til Íslandsmeistara telst Íslandsmeistari ökumanna.
4.3.1	Fimm stigahæstu keppnir ökumanns gilda.
4.4	Séu tveir eða fleiri með jafnmörg stig í efsta sæti í lok keppnistímabilsins skal sá teljast Íslandsmeistari sem oftar hefur sigrað keppnir á tímabilinu.
4.4.1	Sé staða enn jöfn skal telja fjölda 2. sætis og svo koll af kolli.
GREIN 5	KEPPNISFLOKKAR
GREIN 5.1	Formula 4
5.1.1	Allir ökumenn aka á FIA Formúlu 4 ökutækjum.
5.1.2	Stillingar ökutækis eru frjálsar.