Reglur > Keppnisgreinarreglur fyrir torfæru 2026

Útgáfudagur 15.2.2026

Víð framsetning Þröng framsetning


GREIN 1	ALMENNT Torfæra (Formula Offroad) er keppni fjórhjóladrifsbíla þar sem ökumenn reyna með sér í nákvæmnisakstri við krefjandi aðstæður, m.a. upp brattar brekkur, aka á vatni, í drullu og við aðrar óvenjulegar aðstæður.
GREIN 1.1	GILDISSVIÐ
1.1.1	Reglur þessar gilda fyrir allar keppnir í torfæru.
1.1.1.a	Keppnishaldara er heimilt að víkja frá keppnisfyrirkomulagi og keppnisflokkareglum í keppnum öðrum en Íslandsmeistarakeppnum.
1.1.2	Keppnir eru haldnar samkvæmt Reglubók FIA (e. International Sporting Code (ISC)), þessum keppnisgreinarreglum og sérreglum hverrar keppni.
1.1.3	Gæti misræmis á þessum keppnisgreinarreglum og Reglubók FIA þá gilda reglur FIA.
GREIN 2	SKRÁNING
GREIN 2.1	KEPPENDUR OG ÖKUMENN
2.1.1	Keppanda er heimilt að skrá sig mörgum sinnum í hvern flokk í hverri keppni.
2.1.1.a	Hver ökumaður má aðeins aka einu ökutæki í hverjum flokki.
2.1.2	Hverju ökutæki mega hámark tveir ökumenn aka í hverri keppni.
2.1.3	Um ökumannsskipti gildir grein 9.13 í Reglubókinni.
GREIN 2.2	ÖKUTÆKI
2.2.1	Ekki er heimilt að skipta út ökutæki í keppni eftir að skoðun lýkur.
GREIN 2.3	KEPPNISNÚMER
2.3.1	Ökutæki skal merkt með keppnisnúmeri.
2.3.2	Föst rásnúmer eru notuð eftir flokkum. Frátekin eru 1, 2, 3 í sérútbúnum flokki, 201, 202, 203 í sérútbúnum götubílaflokki og 401, 402 og 403 í götubílaflokki samkvæmt lokastöðu Íslandsmóts.
2.3.2.a.i	Rétt til keppnisnúmers samkvæmt úrslitum Íslandsmóts næsta árs á undan öðlast 3 efstu ökumenn þess móts. Aðrir ökumenn fá úthlutað keppnisnúmerum frá 4 til og með 199 í sérútbúnum flokki, 204-399 í sérútbúnum götubílaflokki og 404-499 í götubílaflokki.
2.3.2.b	Ökumanni er heimilt að sækja um sérvalið keppnisnúmer.
2.3.2.b.i	Skal slík umsókn sendast til keppnisráðs í torfæru.
2.3.2.b.ii	Ökumaður skal hafa forgang á notkun úthlutaðs sérvalins keppnisnúmers í a.m.k. tvö keppnistímabil.
2.3.2.c	Keppnisráð skal, í samvinnu við AKÍS, halda skrá um úthlutuð keppnisnúmer á hverju ári.
GREIN 3	KEPPNI
GREIN 3.1	ALMENNT
3.1.1	Á meðan á keppni stendur má einungis ökumaður vera í ökutækinu með þeim undantekningum þó að:
3.1.1.a	liðsstjóra er heimilt að færa ökutækið úr stað og gera á því prófanir;
3.1.2	Þegar ræst er á ferð er það framkvæmt án fylgdarbíls.
3.1.3	Keppandi, ökumaður eða liðsmaður skal alltaf vera við ökutæki meðan keppni fer fram.
3.1.4	Keppandi má hafa átta aðstoðarmenn inni á pittsvæði og ber á þeim fulla ábyrgð.
3.1.4.a	Keppnishaldara er heimilt að leyfa fleiri aðstoðarmenn á þeim forsendum sem hann ákveður.
3.1.5	Ökutæki skal aldrei ekið hraðar en á gönguhraða á fráteknum svæðum utan þrauta og reynsluaksturssvæðis.
3.1.5.a	Við fyrsta brot skal ökumanni veitt áminning
3.1.5.b	Við annað brot fær ökumaður 50 stig í refsingu frá heildarstigum.
3.1.5.c	Við þriðja brot, og hvert brot þaðan í frá á keppnistímabilinu, skal ökumanni vísað úr keppni.
3.1.6	Staðreyndadómarar sem dæma akstur í þraut kallast þrautadómarar.
3.1.6.a	Þrautadómarar skulu vera að lágmarki fjórir.
3.1.6.a.i	Þeir mega ekki allir vera frá sama aðildarfélagi AKÍS.
3.1.6.b	Þrautadómari skal hafa lokið þrautadómaranámskeiði hjá keppnisráði torfæru fyrir keppnisárið.
3.1.7	Aðstoðar-staðreyndadómarar: Staðreyndadómara er heimilt að hafa með sér aðstoðardómara sem hefur lokið viðeigandi námskeiði sé kveðið á um það fyrir viðkomandi hlutverk.
3.1.8	Staðreyndadómara er heimilt að notast við myndefni við dómgæslu.
3.1.8.a	Einungis er heimilt að nota myndefni sem sérstaklega er ætlað til dómgæslu.
3.1.9	Innan 15 mínútna frá því að akstri í síðustu þraut lýkur er hverju keppnisliði heimilt að óska eftir endurskoðun á einu staðreyndadæmdu atviki.
3.1.9.a	Beiðni um endurskoðun skal vera skrifleg og hana skal afhenda tengilið keppenda ef hann er skipaður en keppnisstjóra annars.
3.2	SKILGREININGAR OG HUGTÖK
3.2.1	Þrautarsvæði: Svæði sem afmarkar þrautina.
3.2.1.a	Æskilegt er að þrautarsvæði sé nálægt því að vera ferhyrningur.
3.2.1.a.i	Horn hans skal vera merkt með keilum og/eða gulum stikum.
3.2.1.b	Ökumanni er ekki heimilt að aka með fleiri en tvö hjól út fyrir þetta svæði.
3.2.2	Aksturslína: Aksturslína sýnir þá leið sem aka skal gegnum öll hlið, röð þeirra og akstursstefnu, og skal hún sýnd á þrautateikningum.
3.2.2.a	Aksturslína á milli þrautahliða er annars frjáls innan akstursvæðis.
3.2.3	Afmarkanir (borðar, gular stikur eða keilur): Keppnishaldari getur notað borða, gular stikur eða keilur til að afmarka þraut innan þrautarsvæðis. Slík afmörkun skal ekki vera nær hliði en 2 metrar, mælt þvert á aksturslínu.
3.2.4	Stigasvæði: Svæði sem afmarkast af stigalínum, útlínum þrautarsvæðis og hliðlínustoppara. Stigasvæði er skipt samkvæmt grein 4.2.1
3.2.5	Aksturssvæði: Svæði sem ökumanni er heimilt að aka á.
3.2.5.a	Þegar ökutæki er ekið yfir hliðlínu telst því aksturssvæði lokið og hefst þá akstur á næsta aksturssvæði.
3.2.5.b	Aksturssvæði afmarkast af hliðlínum þrautarhliða, útlínum þrautarsvæðis og hliðlínustoppara.
3.2.6	Hliðlína: Hliðlína er lína sem dregin er í gegnum þrautahlið að útlínu þrautarsvæðis eða að hliðlínustoppara.
3.2.6.a	Allar hliðlínur þrautar eru í gildi meðan ökumaður ekur hana.
3.2.6.b	Til eru tvær gerðir af hliðlínum;
3.2.6.b.i	Stýrilína: Lína sem dregin er þvert í gegnum stýrihlið og nær að útlínum þrautarsvæðis eða hliðlínustoppara.
3.2.6.b.ii	Stigalína: Lína sem dregin er þvert í gegnum stigahlið og merkir hvar stigasvæði byrja og enda, og nær að útlínum þrautarsvæðis eða hliðlínustoppara.
3.2.7	Hliðlínustoppari: Hliðlínustoppari er notaður í þraut til að stytta hliðlínu sé þraut lögð þannig að aksturslína hennar skeri aðra hliðlínu.
3.2.8	Þrautahlið:
3.2.8.a	Ráshlið/Ráslína: Hlið sem ökumaður er ræstur úr. Þetta hlið/lína má vera utan þrautarsvæðis, en þá skal notast við stýrihlið.
3.2.8.b	Stýrihlið: Hlið sem er sett á milli stigahliða þegar þörf þykir. Stýrihlið getur verið annað hvort A - eða B hlið.
3.2.8.c	Stigahlið: Hlið sem skilgreinir byrjun og/eða enda stigasvæðis innan þrautar. Stigahlið getur verið annað hvort A - eða B hlið.
3.2.8.d	Endahlið: Hlið sem merkir að ökumaður hefur unnið sér inn 300 stig fyrir lengd.
3.2.8.e	Marklína: Hlið eða stika sem merkir að ökumaður hefur lokið þrautinni og unnið sér inn 350 stig fyrir lengd. Þessi lína má vera utan þrautarsvæðis.
3.2.9	Öll hlið eru A-hlið nema annað sé tekið fram. Þegar hlið geta verið af A- eða B gerð skilgreinast gerðirnar svona:
3.2.9.a	A hlið: ef framhjól snertir stiku en hin hjólin eru utan hliðs, skal ökumaður fá hámarksrefsingu.
3.2.9.b	B hlið: skulu vera bæði framhjól inni í hliði, annað þarf að vera hreint og hitt má snerta hlið. Sé B-hlið notað í þrautarlagningu skal keppnishaldari taka það fram á þrautarteikningu.
GREIN 3.3	ÞRAUTIR
3.3.1	Lágmarksfjöldi þrauta í keppni er 6.
3.3.1.a	Hámark tvær þrautir mega vera tímaþrautir.
3.3.2	Hver þraut skal vera 30 til 700 metra löng.
3.3.3	Hver þraut skal hafa eitt þrautarsvæði sem skiptist upp í að lágmarki 4 stigasvæði sem afmarkast af ráslínu, þremur stigahliðum og marklínu.
3.3.3.a	Aksturslína þrautar afmarkast af þrautarhliðum innan þrautarsvæðis ásamt öðrum afmörkunum.
3.3.3.b	Hliðlínur og útlínur þrautarsvæðis afmarkar hvert aksturssvæði.
3.3.3.c	Lágmarksfjöldi hliða í þraut eru 4 auk marklínu.
3.3.4	Hlið skulu vera að minnsta kosti 4 metra breið.
3.3.5	Hlið skulu vera skýrt merkt með stikum sem eiga að vera:
3.3.5.a	hvít vinstra megin;
3.3.5.b	rauð hægra megin.
3.3.6	Ef allir flokkar keyra sömu þraut eða hluta af þraut hefur brautarstjóri heimild til að breyta þraut fyrir akstur sérútbúinna götubíla eins og hér segir:
3.3.6.a	fjarlægja afmörkunarborða,
3.3.6.b	fækka stýrihliðum.
3.3.6.c	Ef brautarstjóri ákveður að nýta sér þessa heimild skal það koma skýrt fram á þrautateikningum sem keppnisstjóri afhendir ökumönnum í þeim flokk.
3.3.7	Stikur skulu vera að minnsta kosti 40 cm á hæð og 10 cm breiðar.
3.3.7.a	Stikurnar ná þó endalaust lóðrétt upp.
3.3.8	Stikum í þrautarhliðum skal vera þannig komið fyrir að þær geti ekki skapað hættu fyrir keppendur, starfsmenn eða áhorfendur.
3.3.8.a	Liggi tvær eða fleiri þrautir nálægt hvor annarri skal skulu þrautarmerkingar þeirrar þrautar sem ekki er í notkun vera fjarlægðar eða viðeigandi stikur lagðar niður til að fyrirbyggja misskilning.
3.4	ÞRAUTATEIKNINGAR
3.4.1	Afhenda skal hverjum ökumanni mynd eða teikningu af þrautum hans flokks, rafrænt eða á prenti, eigi síðar en á keppendafundi.
3.4.1.a	Birta skal þrautateikningar á upplýsingatöflu í seinasta lagi 12 klukkustundum fyrir keppendafund.
3.4.2	Á þrautarteikningu, nema fyrir tímaþraut, skal vera skýrt merkt:
3.4.2.a	þrautarsvæði (útlínur með bláum lit);
3.4.2.b	aksturslína (með hvítum eða svörtum lit);
3.4.2.c	afmarkanir, borðar, gular stikur eða keilur (með gulum lit);
3.4.2.d	aksturs- og stigasvæði innan þrautar (með grænum lit);
3.4.2.e	hliðlína (með grænum lit);
3.4.2.f	hliðlínustoppari (með bleikum lit);
3.4.2.g	stikur þrautahliða (með viðeigandi stikulit);
3.4.2.h	B - hlið;
3.4.2.i	merkja sérstaklega þraut sem gefur aukastig.
3.4.3	Á þrautarteikningu fyrir tímaþraut skal vera skýrt merkt:
3.4.3.a	aksturslína (með hvítum eða svörtum lit);
3.4.3.b	aksturs- og stigasvæði innan þrautar (með grænum lit);
3.4.3.c	ráshlið/ráslína (með grænum lit);
3.4.3.d	marklína (með grænum lit);
3.4.3.e	stikur þrautahliða (með viðeigandi stikulit);
3.4.3.f	númer þrautarhliða.
GREIN 3.5	PITTURINN
3.5.1	Afmarka skal svæði fyrir pitt þar sem ökutæki skulu vera þegar unnið er við þau.
3.5.2	Pittsvæðið skal vera vel merkt og staðsett þannig að frá því sé auðvelt að komast að og frá þrautum.
3.5.3	Pittur skal vera það stór að þar sé pláss fyrir öll ökutæki, alla keppendur, ökumenn, þjónustuliða, þrautarstarfsmenn, gesti o.s.frv.
3.5.3.a	Þegar aðstæður krefjast þess er keppnishaldara heimilt að skipta pittsvæðinu upp og skal þess þá getið í sérreglum.
3.5.4	Innan pittsins skal afmarka einn reit fyrir hvert ökutæki og þjónustulið þess sem það hefur til afnota.
3.5.4.a	Ökumaður skal aka beint í og úr sínu afmarkaða svæði í pittinum og forðast að koma í svæði annarra ökutækja en síns eigin.
3.5.5	Spól er stranglega bannað á pittsvæði.
3.5.5.a	Við fyrsta brot skal ökumanni veitt áminning.
3.5.5.a.i	Þessi áminning fyrnist ekki innan keppnistímabils.
3.5.5.b	Við annað brot, og hvert brot þaðan í frá á keppnistímabilinu, skal ökumanni vísað úr keppni.
3.5.6	Á pittsvæði skal aka með fyllstu gát.
3.5.7	Á pittsvæði skulu staðsett að minnsta kosti tvö slökkvitæki með froðu, að lágmarki 6 kg og skal aðgengi að þeim óhindrað og staðsetning þeirra vel merkt.
3.5.8	Öll ökutæki skulu hafa dúk undir sér meðan á viðgerð stendur.
3.5.8.a	Hann þarf að vera að minnsta kosti 520 g/m2 að þykkt og skal ná yfir allt svæði ökutækisins.
3.5.9	Keppendur skulu hafa slökkvitæki á pittsvæði sínu að lágmarki 2 kg.
GREIN 3.6	REYNSLUAKSTURSSVÆÐI
3.6.1	Á keppnisstað skal vera reynsluaksturssvæði og skal það svæði innihalda ójöfnur.
3.6.2	Ökutæki má ekki aka á reynsluaksturssvæði fyrr en að lokinni skoðun þess.
3.6.3	Einungis ökumaður eða liðsstjóri mega prófa ökutæki á reynsluaksturssvæði.
3.6.4	Á reynsluaksturssvæði skal vera einstefna.
3.6.5	Reynsluaksturssvæði opnar í síðasta lagi einni klukkustund fyrir ræsingu fyrsta ökumanns í fyrstu þraut og lokar þegar síðasta ökutæki hefur ekið síðustu þraut keppninnar.
3.6.6	Á reynsluaksturssvæði skal vera slökkvitæki.
GREIN 3.7	SKOÐUN
3.7.1	Keppandi skal tryggja að hann eða fulltrúi hans sé við ökutæki meðan skoðun fer fram.
3.7.2	Ökutæki skal standast skoðun til að fá rásleyfi.
3.7.3	Skylt er að prófa hemla ökutækis. Öll hjól skulu læsast.
3.7.3.a	Ökumaður skal sýna fram á að ökutæki standist enn þetta hemlapróf áður en það leggur í þraut.
GREIN 4	KEPPNISFYRIRKOMULAG
GREIN 4.1	RÁSRÖÐ OG RÆSING
4.1.1	Keppnishaldari dregur í rásröð og skal birta hana á upplýsingatöflu keppninnar, eigi síðar en á keppendafundi. Ekki skal draga í rásröð fyrr en þrautir hafa verið lagðar og þrautateikningar birtar.
4.1.1.a	Deili tveir ökumenn ökutæki eru báðir til útdráttar. Þegar annar er dreginn (ökumaður A) fær hann rásnúmer sem hann dregst í. Hinn (ökumaður B) er þá ekki til útdráttar og fær rásnúmer eftir reiknireglu: ((rásnúmer ökumanns A + fjöldi ökumanna / 2 - 1) mod fjöldi ökumanna) + 1 Niðurstaðan skal rúnnuð niður í næstu heiltölu. Ef rásnúmer ökumanns B er lægra en ökumanns A skulu þeir sem hafa rásnúmer ökumanns B eða hærra færast aftur um eitt rásnúmer. Aðrir ökumenn sem deila ökutæki og hafa fengið rásnúmer færast ekki.
4.1.2	Eftir hverja þraut skulu fyrstu ökumenn færðir aftur fyrir í rásröð.
4.1.2.a	Fjöldi ökumanna sem færður er aftur fyrir í hvert skipti skal reiknaður sem fjöldi ökumanna deilt með fjölda þrauta. Dæmi 20 ökumenn og 6 þrautir = 3,33. þraut = 0 þraut = 3,33 námundast í 3 (3 - 0 = 3) 3 færast aftur fyrir þraut = 2 x 3,33 = 6,66 námundast í 7 (7 - 3 = 4) 4 færast aftur fyrir þraut = 3 x 3,33 = 9,99 námundast í 10 (10 - 7 = 3) 3 færast aftur fyrir þraut = 4 x 3,33 = 13,32 námundast í 13 (13 - 10 = 3) 3 færast aftur fyrir þraut = 5 x 3,33 = 16,65 námundast í 17 (17 - 13 = 4) 4 færast aftur fyrir
4.1.2.b	Þegar fjöldi ökumanna er færri en fjöldi þrauta skal aðeins einn ökumaður færast aftur fyrir í rásröð.
4.1.3	Ráslínudómari eða pittstjóri skulu gefa ökumanni merki um að mæta að ráslínu þegar grænt flagg er reist í þraut. Ökumaður skal mæta á ráslínu, eða aka af pittsvæði ef hann er staddur þar þegar merkið er gefið, innan einnar mínútu eftir að ráslínudómari eða pittstjóri hefur gefið merki um að mæta. Tíminn hættir að telja þegar ökumaður kemur að ráslínu eða ekur útaf pittsvæði. Ráslínudómari skal mæla tímann.
4.1.3.a	Ökumanni er heimilt að færast aftast í rásröð þrautar sé ökutæki hans í viðgerð þegar kemur að ræsingu.
4.1.3.a.i	Ökumaður eða liðsstjóri skulu tilkynna viðeigandi starfsmanni hyggist þeir nýta sér heimildina, áður en rásmerki er gefið.
4.1.3.a.ii	Hverjum ökumanni er aðeins heimilt að nýta sér þetta einu sinni í hverri keppni.
4.1.3.a.iii	Sé beðið um að fara aftur fyrir en það ekki nýtt telst þetta eina tækifæri samt fullnýtt.
4.1.3.a.iv	Ökumaður fær aðeins 60% af stigum fyrir lengd en fulla refsingu í þraut sem þessi heimild er nýtt fyrir.
4.1.4	Ræsing má ekki eiga sér stað fyrr en þrautadómari hefur gefið merki um að heimilt sé að ræsa.
4.1.5	Sé ökumaður flaggaður út eða ræstur í þraut fyrir mistök eða vegna hættu hefur ökumaður rétt á að halda sínum rásstað í viðkomandi þraut. Ökumaðurinn skal hefja aksturinn í síðasta hliði sem hann kláraði áður en hann var flaggaður út eða hefja aksturinn í ráshliði. Ökumanni er heimilt að fara inní pitt. Skal hann samt vera kominn á sinn stað innan 5 mín frá því að þrautin verði græn.
4.1.6	Hverri tilraun til aksturs í þraut telst lokið fari ökumaður ekki af stað innan einnar mínútu frá rásmerki.
4.1.7	Ökumaður sem hættir keppni skal umsvifalaust tilkynna það til keppnisstjóra.
GREIN 4.2	STIGASVÆÐI OG STIG
4.2.1	Hverri þraut er skipt niður í að minnsta kosti 4 stigasvæði sem markast af stigahliðum:
4.2.1.a	0 til 100 stig;
4.2.1.b	100 til 200 stig;
4.2.1.c	200 til 300 stig;
4.2.1.d	300 til 350 stig.
4.2.1.e	Heimilt er að bæta við stigasvæðum þannig að munur milli tveggja samliggjandi stigasvæða verði 50 stig.
4.2.2	Til að fá 250 stig fyrir lengd skal að lágmarki annað framhjól vera inn í 300 stigahliði eða snerta stiku og bæði framhjól ná í 300 stigalínu.
4.2.2.a	Ef bæði framhjól ná í 300 stigalínu utan endahliðs fær ökumaður að hámarki 240 stig fyrir lengd.
4.2.3	Marklína (350 stigahlið) skal staðsett þannig að hægt sé að ræsa næsta ökutæki í þrautina án þess að hætta skapist.
4.2.3.a	Marklína skal staðsett eins nálægt endahliði (300 stigahlið) og hægt er, en þó ekki nær en 15 metra.
4.2.3.b	Ökutæki þarf allt að vera komið yfir marklínu til að teljast hafa náð henni.
4.2.3.c	Engin refsing er gefin þó keyrt sé yfir stiku á marklínu.
4.2.3.d	Ekki er gefin refsing inni í 300 til 350 stigasvæði.
4.2.3.d.i	Ökumaður hefur mínútu til að klára þetta stigasvæði.
4.2.3.d.ii	Veltir ökutæki á þessu stigasvæði eða stoppi lengur en mínútu telst ökumaður ekki hafa lokið því stigasvæði og fær því hámark 300 stig fyrir lengd.
4.2.4	Þrautadómurum er heimilt að gefa stig með 10 stiga millibili allt að 250 stigum. Dæmi: ökumaður getur fengið 240 stig en ekki 260 stig fyrir lengd.
4.2.5	Fyrir refsilausan akstur í þraut eru gefin 350 stig.
4.2.5.a	Að auki geta fengist aukastig kveði sérreglur á um slíkt.
4.2.6	Hverju stigasvæði telst lokið þegar miðjur beggja afturhjóla hafa farið yfir stigalínu og hefst þá nýtt stigasvæði.
4.2.6.a	Í hverju stigasvæði geta verið fleiri en eitt aksturssvæði sem afmarkast af hliðlínum.
4.2.7	Aka skal samkvæmt útgefinni aksturslínu. Ekki má aka yfir hliðlínu nema í réttri akstursstefnu og skal að minnsta kosti eitt framhjól snerta eða vera innan hliðmerkinga.
4.2.7.a	Hverju þrautarhliði telst lokið þegar miðjur beggja afturhjóla hafa farið yfir hliðlínu.
4.2.7.a.i	Hliðlínan er enn gild en ökumanni er heimilt að aka yfir hana með tvo hjól í þeirri akstursstefnu sem við á.
4.2.7.b	Aðeins má aka einu sinni í gegnum hvert hlið.
4.2.8	Ökumanni er einungis heimilt að bakka einu sinni á milli hliðlína.
GREIN 4.3	STIGAREFSINGAR
4.3.1	Stoppað í þraut og haldið áfram -10 stig.
4.3.1.a	Ekki er dæmd refsing ef stöðvað er í 2 sekúndur eða skemur.
4.3.2	Eitt dekk utan við eða snertir stiku þrautarhliðs -20 stig.
4.3.3	Tvö dekk utan við eða snerta stiku þrautarhliðs -40 stig.
4.3.4	Þrjú dekk utan við eða snerta stiku þrautarhliðs -80 stig.
4.3.5	Bakkað (gildir þegar ökumaður heldur akstri áfram) -50 stig.
4.3.6	Eyðilegging á þraut að óþörfu -50 stig.
4.3.7	Hámarksrefsing fyrir hvert hlið er -80 stig.
4.3.8	Refsing í endahliði (300 stigahlið) er 50% minni en venjuleg refsing.
4.3.9	Fari ökutæki ekki í gegnum neitt þrautarhlið þá fæst hvorki stig né refsing.
4.3.10	Lágmarks stig fyrir hverja þraut er 0 stig.
4.3.11	Keppendur í sérútbúnum götubílum fá 50% af refsingum.
GREIN 4.4	AUKASTIG FYRIR ÞRAUT
4.4.1	Í sérreglum keppni er heimilt að skilgreina eina þraut, en þó ekki tímaþraut, sem gefur aukastig.
4.4.2	Í þraut með aukastigum er mældur tími frá fyrsta þrautarhliði að marklínu.
4.4.2.a	Ökumaður með: besta tími fær 100 stig, annan besta tíma fær 80 stig, þriðja besta tíma fær 60 stig, fjórða besta tíma fær 40 stig, fimmta besta tíma fær 20 stig. Aðrir ökumenn fá ekki stig.
4.4.3	Tími er mældur eins og í tímaþraut.
4.4.4	Tímataka hefst um leið og framhjól ökutækis fer í gegnum fyrsta þrautahlið.
GREIN 4.5	TÍMAÞRAUT
4.5.1	Tímaþraut ætti að vera fær öllum ökutækjum; að því tilskyldu að þau séu í lagi.
4.5.2	Þrautarhlið í tímaþraut skulu vera númeruð og vel sjáanleg.
4.5.3	Tímamæling í tímaþraut:
4.5.3.a	hefst þegar framhjól ökutækis fara yfir ráslínu (ræsing á ferð);
4.5.3.b	lýkur þegar framhjól ökutækis fara yfir marklínu.
4.5.4	Notast skal við sjálfvirkan tímatökubúnað við tímamælingu.
4.5.4.a	Sé því ekki komið við skal nota þrjár skeiðklukkur og skal miðtími þeirra notaður.
4.5.4.b	Sé því heldur ekki komið við skal nota tvær skeiðklukkur og nota meðaltalstíma þeirra.
4.5.5	Ökumaður sem nær bestum tíma í tímaþraut fær 350 stig.
4.5.5.a	Stig annara ökumanna reiknast frá besta tíma en dregið er frá 1 stig fyrir hvern tíunda hluta sekúndu lakari tíma.
4.5.6	Lágmarksstig fyrir að ljúka tímaþraut eru 150 stig.
4.5.7	Tímaþraut er skipt niður í fjögur stigasvæði.
4.5.7.a	Nái ökumaður ekki að ljúka tímaþraut fær hann 25 stig fyrir hvert stigasvæði sem hann byrjar á.
4.5.8	Hámarkstími í tímaþraut er 3 mínútur.
4.5.8.a	Nái ökumaður ekki að ljúka tímaþraut innan hámarkstíma fær hann 25 stig fyrir hvert stigasvæði sem hann byrjar á.
4.5.9	Aka skal í gegnum öll þrautarhlið tímaþrautar í réttri röð og akstursstefnu.
4.5.10	Refsing fyrir hvert snert þrautarhlið í tímaþraut er 10 stig.
4.5.11	Að lágmarki eitt hjól ökutækis þarf að fara í gegnum hvert þrautarhlið svo því teljist lokið.
4.5.12	Ökumaður má bakka og snúa við án refsingar.
GREIN 4.6	STIGAGJÖF
4.6.1	Staðreyndadómarar hætta að gefa stig þegar:
4.6.1.a	ökumaður fer af stað í þraut áður en rásmerki hefur verið gefið (þjófstart);
4.6.1.b	ökumaður keyrir með þrjú eða fleiri hjól út fyrir aksturssvæði;
4.6.1.c	veltibúr snertir jörð;
4.6.1.d	ökumaður fer rangt í þrautarhlið (sjá reglu 4.2.7);
4.6.1.e	ökumaður fer rangt í B hlið (sjá reglu 3.2.9.b);
4.6.1.f	ökumaður bakkar oftar en einu sinni milli hliðlína;
4.6.1.g	ökumaður bakkar með fleiri en tvö hjól yfir hliðlínu;
4.6.1.h	hjól ökutæki snertir afmörkunarborða eða -stiku/keilu;
4.6.1.i	ökumaður fylgir ekki réttri akstursstefnu (sjá reglu 4.2.7);
4.6.1.j	ökumaður festir ökutæki eða stöðvar í meira en eina mínútu;
4.6.1.k	ökumaður losar hjálm eða öryggisbelti;
4.6.1.l	ökumaður gefur merki um að hann sé hættur.
GREIN 4.7	ÚRSLIT KEPPNI
4.7.1	Sigurvegari í hverjum flokki er sá sem hefur flest stig að loknum öllum þrautum.
4.7.2	Úrslit hverrar þrautar skulu vera aðgengileg að henni lokinni á upplýsingatöflu keppninnar.
4.7.3	Ljúki tveir eða fleiri ökumenn keppni jafnir að stigum vinnur sá sem unnið hefur hinn í fleiri þrautum í keppninni.
4.7.3.a	Sé enn jafnt vinnur sá ökumaður sem fékk flest stig í síðustu þraut.
4.7.3.b	Sé enn jafnt vinnur sá ökumaður sem fékk flest stig í næstsíðustu þraut og svo framvegis.
4.7.4	Stöðvi dómnefnd keppni áður henni er lokið miðast úrslit við stöðuna eftir akstur síðustu þrautar sem var lokið.
GREIN 4.8	STIG TIL ÍSLANDSMEISTARA
4.8.1	Sá ökumaður sem hlotið hefur flest stig samanlagt úr öllum keppnum til Íslandsmeistara telst Íslandsmeistari.
4.8.2	Stig til Íslandsmeistara eru gefin fyrir sæti í lokaúrslitum samkvæmt eftirfarandi töflu: sæti : 20 stig sæti : 17 stig sæti : 15 stig sæti : 12 stig sæti : 10 stig sæti : 8 stig sæti : 6 stig sæti : 4 stig sæti : 2 stig sæti : 1 stig
4.8.2.a	Stöðvi dómnefnd keppni áður henni er lokið fá ökumenn einungis helming Íslandsmeistarastiga fyrir keppnina.
4.8.3	Ef tveir eða fleiri ökumenn eru með jafnmörg stig í efsta sæti í lok keppnistímabilsins skal sá teljast Íslandsmeistari sem var ofar í þeirra síðustu innbyrðis keppni.
GREIN 4.9	VERÐLAUN
4.9.1	Veita skal verðlaun fyrir að lágmarki þrjú fyrstu sæti í lokaúrslitum keppninnar.
GREIN 5	ÖRYGGISMÁL
GREIN 5.1	PERSÓNULEGUR BÚNAÐUR ÖKUMANNA
5.1.1	Um útbúnað og öryggismál ökumanna gilda reglurnar Torfærureglur - Tæknilegar reglur og Torfærureglur Götubílar - Tæknilegar reglur.
GREIN 5.2	ÞRAUTAVERÐIR
5.2.1	Þrautaverðir skulu staðsettir við ráslínu og marklínu.
5.2.2	Þrautaverðir við ráslínu og marklínu skulu hafa hjá sér:
5.2.2.a	duftslökkvitæki, lágmark 6 kg.
5.2.3	Þrautarvörður við ráslínu skal hafa hjá sér:
5.2.3.a	kolsýruslökkvitæki.
5.2.4	Þrautaverðir skulu hafa aðgang að öflugum klippum og hníf til að skera á belti.
5.2.5	Þrautaverðir skulu hafa aðgang að verkfærum til að skera veltibúr ökutækis ef þörf er á.
GREIN 5.3	ÖRYGGISBÚNAÐUR VIÐ ÞRAUT
5.3.1	Að minnsta kosti ein sjúkra-/björgunarbifreið ásamt áhöfn skal vera viðstödd alla keppnina.
5.3.2	Að minnsta kosti tvö mönnuð tæki með búnaði til hífa og lyfta ökutæki skulu vera til staðar og tiltæk alla keppnina.
5.3.3	Gæta skal vel að því að fjarlægð áhorfenda frá þrautum sé nægileg til að þeim stafi engin hætta af akstri ökutækja.
5.3.4	Aksturslína marklínu tímaþrautar skal aldrei vera í stefnu að áhorfendum.
GREIN 5.4	FLÖGG OG MERKJAGJÖF
5.4.1	Notast skal við þrjár gerðir af flöggum fyrir merkjagjöf til ökumanna: rautt, grænt og rásflagg.
5.4.2	Rautt flagg er notað til að sýna að þraut sé lokuð og til þess að sýna ökumanni að hann sé flaggaður út úr þraut.
5.4.2.a	Ef hætta er á ferð skulu þrautaverðir flagga rauðu og grænu flaggi til að ná athygli ökumanns og ber honum þá skilyrðislaust að hætta akstri.
5.4.3	Grænt flagg er reist til að sýna að þraut sé tilbúin til aksturs og er fellt um leið og ökutæki leggur af stað í þraut.
5.4.4	Rásflagg er notað til þess að ræsa ökutæki af stað í hverja þraut.
5.4.4.a	Einnig er heimilt að nota ljósbúnað til þess að ræsa í þraut.
GREIN 6	KEPPNISFLOKKAR
GREIN 6.1	REGLUR SEM GILDA FYRIR ALLA FLOKKA
6.1.1	Keppnisstjórn er heimilt að færa ökumenn um flokk fram að ræsingu fyrstu ferðar.
GREIN 6.2	SÉRÚTBÚNIR BÍLAR
6.2.1	Um útbúnað, flokkun og öryggismál ökutækja og ökumanna gilda reglurnar Torfærureglur - Tæknilegar reglur.
GREIN 6.3	SÉRÚTBÚNIR GÖTUBÍLAR
6.3.1	Um útbúnað, flokkun og öryggismál ökutækja og ökumanna gilda reglurnar Torfærureglur - Tæknilegar reglur.
GREIN 6.4	GÖTUBÍLAR
6.4.1	Um útbúnað, flokkun og öryggismál ökutækja og ökumanna gilda reglurnar Torfærureglur Götubílar - Tæknilegar reglur.
GREIN 7	MERKINGAR
GREIN 7.1	KEPPNISNÚMER
7.1.1	Keppnisnúmer ökutækis skulu vera á báðum hliðum, vera vel merkt og áberandi.
7.1.1.a	Stærð keppnisnúmers skal vera að lágmarki 35 cm á hæð og 25 cm á breidd fyrir alla flokka.