Reglur > Námskrá 2022

Þessi námskrá inniheldur þær menntunarkröfur sem gerðar eru til einstaklinga sem starfa við akstursíþróttir á Íslandi.

Námskráin nær ekki yfir möguleg sértæk hæfisskilyrði sem einstaka greinar kunna að setja á starfsfólk í greinareglum.

Til að auka þekkingu og færni er einstaklingum heimilt, og þeir hvattir til, að sitja námskeið í hvert sinn sem það er haldið, þó þeir hafi þá þegar gild réttindi til tiltekins embættis.

Stjórn AKÍS ber ábyrgð á efni og framkvæmd námskeiða en er heimilt að fela einstaklingum eða hópum gerð námsefnis og kennslu.

Einstaklingur sem hyggst sinna einhverju eftirtalinna embætta við akstursíþróttaviðburð á Íslandi skal að hafa setið námskeið á vegum Akstursíþróttasambands Íslands, eða sambærilegt námskeið á vegum FIA fyrir tiltekið embætti:

Formaður dómnefndar í keppni til Íslandsmeistaratitils;

Keppnisstjóri í keppni til Íslandsmeistaratitils;

Öryggisfulltrúi á akstursíþróttaviðburði.

Seta á viðeigandi námskeiði veitir réttindi til að sinna viðkomandi embætti í allt að 5 ár frá lokum námskeiðs.

Gildistími réttinda kann að verða styttur ef verulegar eða mikilvægar breytingar verða á reglum að mati stjórnar AKÍS.

Sinni einstaklingur ekki viðkomandi embætti í að minnsta kosti einni keppni á tveimur samfelldum keppnistímabilum fellur þessi réttur niður og þarf hann þá að sitja námskeið að nýju til að öðlast fyrri réttindi.

Gerð er krafa um að formenn dómnefnda í keppnum til Íslandsmeistara sitji ár hvert námskeið um störf dómnefnda.

Námskeið sem þessi námskrá gerir kröfu um setu á skulu vera haldin hið minnsta árlega á Íslandi.

AKÍS er heimilt að halda námskeið samkvæmt námskrá hvort heldur sem er í fjarfundi eða ekki.