Reglur > Reglugerð um keppnisráð AKÍS

Keppnisráð skal skipa fyrir hverja akstursíþróttagrein samkvæmt lögum AKÍS. Þær eru nú:

Drift;

Hringakstur (kappakstur, tímaat, þolakstur, þrautaat, gokart);

Rally (sérleiðarally, nákvæmnisakstur, sparakstur);

Rallycross (rallycross, crosscart);

Spyrna (kvartmíla, sandspyrna, götuspyrna);

Torfæra.

Rafíþróttir hverrar akstursíþróttagreinar heyra undir viðkomandi keppnisráð.

AKÍS er heimilt að bæta við keppnisráðum eða fella þau niður eftir þörfum.

Skipan í keppnisráð fer fram með þeim hætti að:

keppnishaldari sendir AKÍS upplýsingar um nýjan aðila, útskiptingu á sitjandi aðila eða niðurfellingu fyrri skipunar;

AKÍS gerir viðeigandi breytingar á skráningu ráðsins og sendir keppnishaldara staðfestingu á skipaninni;

stjórn AKÍS skipar fulltrúa í keppnisráð ef þörf þykir.

Heimilt er að skipta út skipuðum fulltrúa.

Hver einstaklingur skal aðeins sitja í einu keppnisráði hverju sinni.

Eigi fulltrúi í keppnisráði hagsmuna að gæta í máli sem ráðið fjallar um ber honum að víkja sæti í því máli.

Stjórn AKÍS heldur lista yfir þá sem sitja í keppnisráðum hverju sinni.

Þegar réttur keppnishaldara til setu í keppnisráði fellur niður lýkur skipan fulltrúa hans við næsta formannafund.

Keppnisráði hverrar greinar ber að:

semja, breyta, fella út og laga að þörfum, reglur fyrir þær keppnisgreinar sem undir það heyra;

skila reglum til regluráðs AKÍS til yfirferðar og samræmingar;

skila reglum sem gilda munu á komandi keppnistímabili til regluráðs í síðasta lagi 14 dögum fyrir formannafund AKÍS;

kynna breytingar á reglum, ef einhverjar eru, og annað sem máli skiptir varðandi starf ráðsins á formannafundi AKÍS;

taka til umfjöllunar, svo fljótt sem kostur er, erindi sem því berast frá regluráði AKÍS;

ákveða hvort keppnisfyrirkomulag Íslandsmóts skuli vera ein keppni eða margar;

ákveða hvort keppni í móti skuli hafa aukið vægi vegna aukins umfangs;

stuðla að bættu öryggi allra sem þær akstursíþróttir stunda sem undir ráðið heyra með fræðslu og endurskoðun reglna eða verkferla eftir því sem kostur er;

hafa umsjón með námskeiðum og gerð fræðsluefnis fyrir staðreyndadómara í sínum greinum eftir því sem við á;

votta hæfi staðreyndadómara sem þekkir til allra reglna og fræðsluefnis og stenst þær kröfur sem settar eru fram í tengslum við hverja keppnisgrein eftir þörfum;

skila tillögum til stjórnar AKÍS varðandi val á akstursíþróttamanni og akstursíþróttakonu ársins samkvæmt reglum þar um;

vera stjórn AKÍS innan handar ef taka þarf ákvörðun um breytingar á keppnisdagatali;

hlusta eftir og hafa samráð við keppendur og keppnishaldara um þarfar breytingar;

halda fundi sem hér segir:

tryggja að fundargerðir séu ritaðar gegnum fundargerðagátt á vefsíðu AKÍS.

Keppnisráði er heimilt að aðstoða dómnefnd keppni við túlkun reglna sé eftir því leitað.

AKÍS heldur lista yfir netföng þeirra sem sitja í keppnisráðum hverju sinni.

Samskipti AKÍS við keppnisráðin eru með tölvupósti.

Keppnisráðin geta fengið aðgang að samskiptasvæði á samfélagsmiðli á vegum AKÍS ef þau kjósa að nýta sér þá leið til samskipta innan ráðsins.

Við mannabreytingar í keppnisráði er samskiptasvæðið endurnýjað nema allir aðilar keppnisráðsins óski eftir að það sé ekki gert.

AKÍS úthlutar hverju keppnisráði netfang @akis.is sem allir geta notað til að koma erindum til ráðsins.