Reglur > Reglugerð um öryggisráð AKÍS

Öryggisráð skal skipa til að vera ráðgefandi um öryggismál í þeim greinum sem stundaðar eru innan AKÍS.

Stjórn AKÍS skipar formann og að lágmarki tvo aðra í ráðið og skal leitast við að velja einstaklinga sem sérfróðir eru um málefnið og hafa víðtæka þekkingu á mismunandi greinum akstursíþrótta.

Stjórn AKÍS heldur lista yfir þá sem sitja í öryggisráði hverju sinni.

Þegar skipunartími öryggisráðsmanns er liðinn skipar stjórn AKÍS í laust sæti að nýju.

Öryggisráði ber að:

samræma eftir því sem við á öryggiskröfur sem gerðar eru í mismunandi greinum akstursíþrótta á Íslandi;

hafa samráð við stjórn AKÍS, keppnisráð og keppnishaldara í störfum sínum;

huga jafnt að málum er varða keppendur, starfsfólk, áhorfendur, fjölmiðlafólk og almenning;

leitast við að nýta þekkingu og reynslu sem aðgengileg er með alþjóðasamstarfi, svo sem hjá FIA og systursamtökum AKÍS í öðrum löndum;

sjá um fræðslu, þjálfun og viðurkenningu öryggisfulltrúa og sjá þeim fyrir nauðsynlegum stuðningi;

leitast við að safna saman sem mestri þekkingu um öryggismál og koma henni á framfæri á vef AKÍS og öðrum heppilegum vettvangi eftir atvikum;

tryggja að fundargerðir séu ritaðar gegnum fundargerðagátt á vefsíðu AKÍS.

AKÍS heldur lista yfir netföng þeirra sem sitja í öryggisráði hverju sinni.

Samskipti AKÍS við öryggisráð eru með tölvupósti.

Öryggisráð getur fengið aðgang að samskiptasvæði á samfélagsmiðli á vegum AKÍS ef það kýs að nýta sér þá leið til samskipta innan ráðsins.

Við mannabreytingar í ráðinu er samskiptasvæðið endurnýjað nema allir aðilar þess óski eftir að það sé ekki gert.

AKÍS úthlutar öryggisráði netfang @akis.is sem allir geta notað til að koma erindum til ráðsins.