Reglur > Reglugerð um keppnisráð AKÍS

Keppnisráð skal skipa fyrir hverja akstursíþróttagrein samkvæmt lögum AKÍS. Þær eru nú:

Drift;

Hringakstur (kappakstur, tímaat, þolakstur, þrautaat, hill climb);

Rally (sérleiðarally, nákvæmnisakstur, sparakstur);

Rallycross (rallycross, crosscart);

Spyrna (kvartmíla, áttungsmíla, sandspyrna, götuspyrna);

Torfæra;

Hermiakstur (allar greinar akstursíþrótta);

Gokart.

AKÍS er heimilt að bæta við keppnisráðum eða fella þau niður eftir þörfum.

Skipan fulltrúa í keppnisráð fer fram með þeim hætti að:

aðildarfélag sendir AKÍS upplýsingar um fulltrúa, útskiptingu á sitjandi fulltrúa eða niðurfellingu fyrri skipunar;

AKÍS gerir viðeigandi breytingar á skráningu ráðsins og sendir aðildarfélagi staðfestingu á skipaninni;

stjórn AKÍS skipar fulltrúa í keppnisráð ef þörf þykir.

Heimilt er að skipta út skipuðum fulltrúa.

Hver einstaklingur skal aðeins sitja í einu keppnisráði hverju sinni.

Eigi fulltrúi í keppnisráði hagsmuna að gæta í máli sem ráðið fjallar um ber honum að víkja sæti í því máli.

Stjórn AKÍS heldur lista yfir þá einstaklinga sem sitja í keppnisráðum hverju sinni og birtir á vef sínum, www.akis.is.

Þegar réttur aðildarfélags til tilnefningar í keppnisráð fellur niður, lýkur skipan fulltrúa þess við næsta formannafund.

Keppnisráði hverrar greinar ber að:

semja, breyta, fella út og laga að þörfum, reglur fyrir þær keppnisgreinar sem undir það heyra;

skila reglum til regluráðs AKÍS til yfirferðar og samræmingar;

taka til umfjöllunar, svo fljótt sem kostur er, erindi sem því berast frá regluráði AKÍS;

skila reglum sem gilda munu á komandi keppnistímabili, ásamt fundargerð þar sem þær eru staðfestar, til regluráðs í síðasta lagi 14 dögum fyrir formannafund AKÍS;

kynna breytingar á reglum, ef einhverjar eru, og annað sem máli skiptir varðandi starf ráðsins á formannafundi AKÍS;

ákveða hvort keppni í móti skuli hafa aukið vægi vegna aukins umfangs;

skila skýrslu um starfsemi ráðsins á líðandi keppnistímabili til AKÍS í síðasta lagi 14 dögum fyrir formannafund AKÍS;

stuðla að bættu öryggi allra sem þær akstursíþróttir stunda sem undir ráðið heyra með fræðslu og endurskoðun reglna eða verkferla eftir því sem kostur er;

hafa umsjón með námskeiðum og gerð fræðsluefnis fyrir staðreyndadómara í sínum greinum eftir því sem við á;

votta hæfi staðreyndadómara sem þekkir til allra reglna og fræðsluefnis og stenst þær kröfur sem settar eru fram í tengslum við hverja keppnisgrein eftir þörfum;

skila tillögum til stjórnar AKÍS varðandi val á akstursíþróttamanni og akstursíþróttakonu ársins samkvæmt reglum þar um, í síðasta lagi fjórum vikum fyrir formannafund;

vera stjórn AKÍS innan handar ef taka þarf ákvörðun um breytingu á keppnisdagatali;

hlusta eftir og hafa samráð við keppendur og keppnishaldara um þarfar breytingar;

halda fundi sem hér segir:

tryggja að fundargerðir séu ritaðar gegnum fundargerðagátt á vefsíðu AKÍS.

kjósa formann keppnisráðsins á fyrsta fundi þess eftir breytingar á skipan ráðsmanna.

Keppnisráði er heimilt að aðstoða dómnefnd keppni við túlkun reglna sé eftir því leitað.

AKÍS heldur lista yfir netföng þeirra sem sitja í keppnisráðum hverju sinni.

Samskipti AKÍS við keppnisráðin eru með tölvupósti.

Keppnisráðin geta fengið aðgang að samskiptasvæði á samfélagsmiðli á vegum AKÍS ef þau kjósa að nýta sér þá leið til samskipta innan ráðsins.

Við mannabreytingar í keppnisráði er samskiptasvæðið endurnýjað nema allir aðilar keppnisráðsins óski eftir að það sé ekki gert.

AKÍS úthlutar hverju keppnisráði netfang @akis.is sem allir geta notað til að koma erindum til ráðsins.